Юлларда сак булыйк

10 майда 3 сәгать 45 минутта Тәмте һәм Лабыш арасындагы автомобиль юлында юл- транспорт һәлакәте булды.
Казан шәһәрендә 1984 елда туган Чканов Илья Сергеевич ВАЗ -2112 машинасы белән идарә итә алмыйча, дамбадан төшеп каплана. Алган яралардан ул фаҗига урынында ук вафат була. Пассажир - 1998 елгы мәктәп укучысы Евгений Михайлов һәлакәттән зыян күрә.
Юл хәрәкәте куркынычсызлыгы хезмәткәрләре машина йөртүчеләр һәм җәяүлеләрдән юлларда саграк булуларын үтенә. Куркынычсызлык каешларын һәм балаларны саклагыч җайланмаларын да игътибарсыз калдырмасагыз иде, үз гомерегезне һәм балалар гомерен куркыныч астына куймагыз!