Без «Премиум» ҖЧҖ прорабы Анатолий Мулюкин белән сөйләштек, ул бүгенге көндә нинди эшләр алып барылуы турында сөйләде.
- Түбәне тулысынча яптык, хәзер кәрнизләрне тышлау бара, аларның конструкциясен зурайттык, «кәрнизләрне чыгардык» дигәндәй, моны без яңгыр суы стеналардан акмасын, ә су өчен торбалар буйлап аксын өчен эшләдек, – Анатолий Мулюкин сөйли. - Шулай ук кар һәм яңгыр суларының кирпечкә орынуын киметү өчен түбәнең тоташу формасын үзгәрттек.
Объектта ике манипулятор эшли, алар эшчеләргә кәрнизләрне тышлау буенча катлаулы һәм күп көч таләп итә торган эшне башкаруда ярдәм итә. Бер яктан, бу эшләрнең кыйммәтләнүенә китерә, икенче яктан эшне тизрәк һәм сыйфатлырак итәргә мөмкинлек бирә.
- Чормада җылыткычны алыштырдык, түбә ябу эшләрен төгәлләү белән җылылык югалтуны киметү һәм бинаның янгын куркынычсызлыгын арттыру өчен бетон тартма ясаячакбыз.
- Бу объектта эшне кайчан төгәлләргә уйлыйсыз?
- Бу атна ахырына төгәлләнергә тиешләр. Безне икенче подъездда төтен юлын сүтү һәм монтажлау гына тоткарлый ала. Эчке каналның бер өлеше ишелгән һәм безгә аны яңадан төзергә, ә аннары профнастил белән тышларга туры киләчәк.
Йортта шулай ук керү төркемнәре яңартылган. Шул рәвешле, 9а йорты, “игезәге” 9б белән чагыштырганда, инде хәзер үк шактый төзек күренә.
Нет комментариев