Капиталь ремонттан соң авыл клубы үз ишекләрен ачты.
Авыл халкы үзешчән сәнгатьтә актив катнаша, ә клуб бинасы күптән ремонт таләп итә иде. Ниһаять, ул мәдәният объектларын капиталь ремонтлау республика программасына кертелгән, һәм яңадан диярлек төзелгән.
Авыл халкын бәйрәм белән котларга кунаклар килде. ТР Дәүләт Советы депутаты Леонид Якунин авыл халкы өчен сөенде:
- Әйләнә-тирәгездә табигать бик матур, монда иркенлек хөкем сөрә һәм җыр сезнең данлыклы чишмәгездән агып чыккан инеш кебек челтерәп ага. Сезнең бу клубка шатлануыгыз гаҗәп түгел, чөнки ул сезгә яңа иҗади идеяләрне тормышка ашыру өчен кирәк. Болар барысы да безнең республика халкы өчен республика программалары буенча эшләнә.
Район башлыгы Наил Вазыйхов «Премиум» төзелеш фирмасына рәхмәт белдерде һәм объектта барлык төзелеш эшләрен сыйфатлы башкарган эшчеләргә рәхмәт хатлары тапшырды.
- Мин данышлылар өчен шат, хәзер аларның иҗат белән шөгыльләнергә бик матур биналары бар, ә монда талантларның күп булуы аларның төрле чараларда чыгыш ясаулары белән дәлилләнә.
Прораб Анатолий Мулюкин клуб бинасының символик ачкычын мөдир Роза Гыймадиевага тапшырды.
Миндил Шәмсетдинов якташларын котлады:
- Күптән түгел без яңа обелиск ачтык, хәзер яңа диярлек клубны ачабыз. Димәк, авылда тормыш дәвам итә, ул яши һәм үзенең уңышлары белән безне сөендерә.
Бәйрәм концертын Роза Гыймадиеваның хезмәттәшләре – авыл мәдәният хезмәткәрләре әзерләде, ә авыл халкы клубның уңайлыкларына һәм матур заманча бинага карап сөенде. Өй туена кунаклар – мәдәният хезмәткәрләре һәм авыл кешеләре бүләкләр алып килгәннәр иде.
Нет комментариев