Урамда әле шактый җылы һава торышы, әмма яңгырлар һәм дымлылык күпләрне фатирларны җылытырга мәҗбүр итә.
Район әзерлеге
Киңәйтелгән киңәшмәдә район башлыгы Наил Вазыйхов иң беренче нәкъ менә шушы мәсьәләне – җылыту сезонына әзерлекне күтәрде. Барлык диярлек мәгариф, сәламәтлек саклау, мәдәният учреждениеләрендә индивидуаль котельныйлар урнаштырылганлыктан, сорауларга әлеге учреждениеләрнең җитәкчеләре һәм белгечләре җавап бирде.
- Мәгариф учреждениеләренең барлык котельныйлары әзер, казаннарны һәм системаларны юдырдылар, газ фильтрлары алыштыруны таләп итә, бу газ хезмәте җаваплылыгы зонасы булып тора, - дип хәбәр итте мәгариф идарәсе җитәкчесе Елена Гыймадиева.
- Мәдәният бүлегенең утыз индивидуаль котельные җылыту сезонына әзер-юдырылды, җылыту системалары прессланды, персоналны укыту үткәрелде, - дип хәбәр итте газетага ЦКДОН администраторы Полина Кузменкова.
- Районның 29 ФАП һәм амбулаториясе 100 процентка әзер, - дип хәбәр итте район үзәк хастаханәсенең хуҗалык эшләре бүлеге җитәкчесе Айдар Айтуганов. – Барлык әзерлек паспортлары «Буа газы» ЭПУда. Үзәк район хастаханәсе поликлиникасында әлегә ремонт бара, шуңа күрә ул котельныйдан сүндерелгән. Кирәк икән, без стационарга җылылык җибәрә алабыз.
- Җылыту системаларының һәм квартал котельныйларының әзерлек паспортлары югарырак оешмага тапшырылды, без актлар көтәбез,-дип хәбәр итте киңәшмәдә «Кама Тамагы коммуналь челтәрләре» АҖ җитәкчесе Али Таха.
Көннәр салкынайткач
Кагыйдәләр буенча, җылыту чоры һаваның уртача тәүлеклек температурасы биш көн рәттән +8 °C тан түбән булганда башлана. Җылылык бирү турындагы карарны район башкарма комитеты ТР Гидрометеорология үзәге мәгълүматлары нигезендә кабул итә. Җылылык бирү шушы биш көнлек чор тәмамланганнан соң бер көннән дә соңга калмыйча башланырга тиеш.
Аерым очракларда, мәсәлән, фараз буенча кискен суыткан очракта, сезонны иртәрәк башларга мөмкиннәр.
Җылылык этаплап бирелә. Иң беренче социаль объектларны: балалар бакчаларын, мәктәпләрне, хастаханәләрне, аннан соң күп фатирлы йортларны (әмма районның бөтен күп фатирлы йортларында индивидуаль җылыту), иң соңгы чиратта предприятие һәм оешмаларны тоташтыралар. Җылыту сезоны башланганчы предприятиеләр һәм учреждениеләр әзерлек паспортын рәсмиләштерергә, ә җылылык белән тәэмин итүче оешмалар рөхсәт паспортын алырга тиеш. Бу документлардан башка җылылык җибәрү мөмкин түгел.
Җылылыкны вакытында кабызмасалар, нишләргә.
Әгәр администрация сезон башлану турында карар кабул иткән икән, ә оешмада җылылык булмаса, җылылык белән тәэмин итүче оешмадан сезнең бинаны тоташтыруның кайсы этабында булуын ачыкларга кирәк. Бәлки белгечләргә циркуляцияне һәм терәкләрне тикшерергә кирәктер. Торак-коммуналь хуҗалык чара күрмәсә, Татарстан Республикасы Дәүләт торак инспекциясенә мөрәҗәгать юлларга мөмкин.
Синоптиклар фаразлавынча, атна ахырына кадәр районда һава температурасы 14 градустан түбән төшмәячәк.
Нет комментариев