Сак булыгыз

Агымдагы ел башыннан район эчке эшләр бүлегенә велосипедлар урлау турында 4 хәбәр алынды.

Үз милекләрен подъездда, йорт янында һәм сакланмаучы башка территорияләрендә калдыручы хуҗалар зыян күрә. Полиция хезмәткәрләре велосипедларны урлаттырмас өчен U формасындагы тимер йозак, шулай ук чылбырлы йозаклар куюны тәкъдим итә. Аерым алганда, техниканы видеокамера күрерлек урынга куярга, күзәтүчесез калдырмаска, таныш булмаган кешеләргә ышанмаска, төнге якка фатирларга яки гаражга куярга тәкъдим итә. Шулай ук велосипедның документы, серия номеры һәм аерым билгеләре (тырналган урын, җимереклек һ.б.) булырга тиеш.