Өзеклекләрсез

Бүген РБФ ЯАҖда берьюлы алты судно ремонтка куелган.

Икесе ДОКта, икесе причал стенкасында тора, икесе үз чиратын көтә. суднолар арасында земснаряд, «Рейдовый» буксиры, «Окский» сухогрузы, «Алексей Толстой» пассажирлар теплоходы. Ремонт базасы директоры Наил вазыйхов әйтүенчә, предприятие тугыз ай планын 117 процентка үтәгән. Быелгы җәйдә чит заказчылар чират торды. «Быел предприятиенең өзеклекләрсез эшләве шатландыра. Навигация тәмамланганнан соң нефть ташу флотына пландагы ремонтка керешәчәкбез», - ди ул.