Кыр вахтасы

Район авыл хуҗалыгы берләшмәләрендә бөртекле культураларны урып-җыю дәвам итә.
Кичәге көнгә тулаем район буенча игеннәр 12906 гектардан җыеп алынган, бу планның 47 процентын тәшкил итә. Узган көндә игеннәр нибары 871 га.дан җыеп алынган, югыйсә эш графигы буенча ике тапкырга артык булырга тиеш. Ленин исемендәге хуҗалыкта игеннәр мәйданнарның 57, «Кама Тамагы» АХПда 49, «Олы Кариле» ААҖда 21 процентында җыеп алынган. 26668 тонна ашлык суктырылган, шуның 4518 тоннасы көзге арыш, 3137 - борчак, 13537 - арпа, 3113 - көзге бодай, 2294 тоннасы - сабан бодае. Район буенча гектарыннан уртача 20,7 центнер уңыш чыга.