Кыр вахтасы

Район авыл хуҗалыгы берләшмәләрендә бөртекле культураларны урып-җыю дәвам итә.
Кичәге көнгә тулаем район буенча игеннәр 15773 гектардан җыеп алынган, бу планның 57 процентын тәшкил итә. Узган көндә район игеннәр яхшы эшләде: игеннәр 1505 гектардан җыеп алынган, югыйсә эш графигы буенча берникадәргә артык. Бу начар күрсәткеч түгел, мондый уңыш киләчәктә дә дәвам итәргә тиеш. Ленин исемендәге хуҗалыкта игеннәр мәйданнарның 60, «Кама Тамагы» АХПда 58, «Олы Кариле» ААҖда 21 процентында җыеп алынган. 32946 тонна ашлык суктырылган, шуның 4518 тоннасы көзге арыш, 3137 - борчак, 17371 - арпа, 3187 - көзге бодай, 4650 тоннасы - сабан бодае, солы - 83 тонна. Район буенча гектарыннан уртача 20,9 центнер уңыш чыга. Иң зур уңышны арпа бирә - гектарыннан 25,1, иң түбәне - 15,8 ц - борчак. Моннан тыш, рапсны да җыялар. Ул 89 тонна Ленин ис. хуҗалыкта суктырылган, гектарыннан 8,9 уңыш бирә.