Кайда күпме сөт савыла?

Савым көтүен җәйләүләрдә асрау дәвам итә. Арзан азыкларда мөмкин булганча күбрәк продукция алып калырга тырышырга кирәк, һава шартларына бәйле рәвештә якынча тагын бер ай калып бара.
Район авыл хуҗалыгы һәм азык-төлек идарәсеннән алынган оператив мәгълүматларга караганда, бер сыердан уртача көнлек иң югары савым - Ленин исемендәге хуҗалыкта -12.2 килограмм, бу узган ел белән чагыштырганда 1,4 килограммга артык, «Кама Тамагы» АХПда әлеге күрсәткеч 11,5 килограмм (- 0,7 килограмм), «Олы Кариле» ААҖда әлеге күрсәткеч - 10,9 килограмм.