Йөк озату сезоны алдыннан

«Кама Тамагы гипс руднигы» ААҖ өчен навигация арасындагы чор уңышлы булды. Бүген үк предприятиенең 950 мең тонна күләмендә гипс ташы җибәрүгә заявкалар пакеты бар.

Әмма эш дәвам итә. Даими кулланучылар арасында «Аракчинский гипс» ООО адресына йөк озату күләме 180 мең тоннага артты. Мәскәү өлкәсе безнең таш белән актив кызыксына. Мәсәлән, 2013 елга «КВАРТ» ОООдан 120 мең тоннага заявка керде. Төзелә торган «Кама Тамагы төзелеш гипсы заводы» җитәкчелегеннән 100 мең тонна ташка заявка алынды. Узган елгы навигация ябылганнан соң әзер продукция складыннан предприятие 270 мең тонна таш озатырга әзер инде. Бүген су транспорты белән ташучыларны сайлау буенча тендер оештыру һәм акционерлык җәмгыяте причалыннан гипс ташы төяп озату хезмәте күрсәтү эше алып барыла.