Балалар бакчасы өчен түләү артты

«Мәгариф турында» 1992 елның 10 июлендәге 3266-1нче Россия Федерациясе Законының 41 маддәсе 4 пункты, «Россия Федерациясендщ җирле үзидарәне оештыруның гомуми принциплары турында»гы 2003 елның 6 октябрендәге 131нче Федераль законның 15 маддәсе 1 бүлеге 11 пункты, «Татарстан Республикасында мәктәпкәчә яшьтәге мәгариф учреждениеләрен финанслау нормативларын кертү турында» 2008 елның 30 апрелендәге Татарстар Республикасы Министрлар Кабинеты карары нигезендә муниципаль район уставы тарафыннан «2013 елга Татарстан Республикасы Кама Тамагы муниципаль районы мәктәпкәчә яшьтәге мәгариф учреждениеләрен финанслау нормативларын раслау турында» карар чыгарылды.

1 гыйнвардан мәктәпкәчә яшьтәге мәгариф учреждениесенә йөргән бала өчен ата-аналар взносы күләме районда уртача 1320 сум булачак. Әлеге сан ДОУ эшенә, шулай ук өч яки аннан күбрәк баласы булган гаиләгә карап азрак яки күбрәк булырга мөмкин. Әлеге суммага туклану продуктлары һәм бакчада баланы карау бәясе кертелә. Узган ел белән чагыштырганда ана-аналар взносы уртача 20 процентка арткан.