Авыл хәбәрләре

Район авыл хуҗалыгы берләшмәләрендә малларны кышкы абзарларда асрау дәвам итә.

Кичәге көнгә бер сыердан уртача көнлек савым «Кама Тамагы» авыл хуҗалыгы предприятиесендә 8,7 кг, бу узган елның шул чоры белән чагыштырганда 0,5 кг.га артык. Ленин исемендәге хуҗалыкта әлеге күрсәткеч узган елгыдан 2,6 кг.га артып, 8,5 кг тәшкил итә, «Олы Кариле» ААҖда бер сыердан көненә уртача 7,3 килограмм сөт савалар.

Район игенчеләре киләсе ел уңышы өчен эшләүне дәвам итә.

Район буенча туфракны өслекле эшкәртү 33938 гектарда үтәлергә тиеш булса, кичәге көнгә бу агротехник чара 31586 гектарда башкарылган, бу планның 93 процентын тәшкил итә.