Тротуар төзи башладылар

Куйбышев Затонда брусчаткадан тротуар салу өчен әзерлек эше башланды.

Бордюрлар кайтартылган, Столяров исемендәге клуб янында разметка ясалган һәм аларны куя башлаганнар.

-Тулаем алганда, елгачылар поселогының Ленин урамында 360 метр брусчатка куелачак, - ди районның инфраструктура үсеше бүлеге җитәкчесе Марс Гатауллин.- Планда шулай ук бу җәйдә Гагарин, Завод, Ленин, Яр буе, Куйбышев, Дзержинский урамнарына асфальт җәю каралган. Проектның гомуми бәясе 13,2 миллион сум тәшкил итә, ул район бюджетыннан бирелә. Подрядчы - "Вираж+» ООО.