Коммуналь хезмәтнең көзге мәшәкатьләре

Ул барлык котельныйларның «Ростехназдор» инспекторлары тарафыннан тикшерелүе турында хәбәр итте. Ачыкланган җитешсезлекләр бетерелгән, тикшерү актына кул куелган.

– 15 сентябрьгә җиде котельныйның барысы да эшкә тулысынча әзер, объектлар «Ростехнадзор» таләпләренә туры китерелде. Счетчиклар һәм сигнализаторлар тикшерелде, - дип хәбәр итте Илнур Гыйльманов. – «Кама Тамагы коммуналь челтәрләре» ААҖ һәм “Уют” МУП объектларына 15 сентябрьдә газ җибәрелде, ә 16 сентябрьдә җылыту сезоны башланды.

Җылылык җибәрүгә карамастан, җылылык челтәрләрен ремонтлау дәвам итә, хәзерге вакытта, ремонт эшләрен башкару буенча сатулашулар үткәргәннән соң, җылылык челтәрләре алыштырыла. Шулай итеп, котельныйдан алып бүгенге көндә архив, җәмәгать суды, суд приставлары урнашкан элеккеге бала тудыру йорты бинасына кадәр тузган җылылык трассасы алыштырылды.

Бу атнада Тенеш поселогындагы «Улыбка» балалар бакчасына таба җылылык трассасын алыштыру планлаштырыла. Эш торбалар кайтартылгач башланачак. Предприятие бөтен эш күләмен үз көчләре белән башкарачак. Янга калдырылган акча махсус техника өчен лизинг түләүләрен түләүгә юнәлдереләчәк.

Район башлыгы Наил Вазыйхов ярдәме белән предприятие газ һәм техник хезмәт күрсәтү өчен барлык бурычларны япты.

19 сентябрьдән район үзәгендәге котельныйларны диспетчерлаштыру башланды.

Киров, Гагарин һәм Комаров урамнарында урнашкан объектлардан идарә пультына аларның эше турында бөтен мәгълүмат биреләчәк. Нинди дә булса хата булган очракта операторлар тиешле чаралар күрәчәк. Бу оператив рәвештә карарлар кабул итәргә һәм җылытыла торган учреждениеләрдә җылылык режимын саклау мөмкинлеге бирәчәк. Диспетчерлаштыру бәясе 600 мең сум тәшкил итә. Түләүне өч айга тигез өлешләр белән реструктуризацияләү турында килешү имзаланды.

Диспетчерлаштыру процессы котельныйларның эшен оптимальләштерә һәм, котельный операторларының саны өч тапкыр кимү сәбәпле, хезмәт хакын экономияләү мөмкинлеге бирәчәк. Әлеге акчалар җиһаз өчен түләүгә кулланылачак, бу яңа технология кертү чыгымнарын дүрт ай эчендә капларга һәм алга таба предприятиегә табыш китерергә мөмкинлек бирәчәк.