Һәр йортка - су

Сөйкидә авыл урамнарына суүткәргеч челтәре салу эше дәвам итә.

Авыл җирлеге башлыгы Людмила Сахарова әйтүенчә, су булмаган Гагарин урамына линия сузу эше бара. Хәзер һәр йортка су керәчәк. Эш хуҗалык алымы белән алып барыла, анда авыл халкы актив катнаша. Траншея казу өчен шәхси тракторы булган эшмәкәрне яллаганнар, аңа эш хакы түләнгән, торбалар сатып алынган, өйләргә исә суны йорт хуҗалары үзләре тоташтырачак. Киләсе елга биредә Колхоз һәм Большевиклар урамына су кертү, Совет урамында суүткәргечнең бер өлешен алыштыру күздә тотыла.

Муниципаль район башлыгы Зөфәр гарәфиев әйтүенчә, Уразлино авылында да суүткәргеч салу эше алып барыла. Биредә салкыннар башланганчы су һәр йортка кертеләчәк.