Ничек бәхетле булырга?

Әлеге мизгелдә үзегезне бик бәхетле тоймасагыз да, йөзегезгә “бәхетле кеше” кыяфәте чыгарыгыз, елмаеп йөрегез. Баш миегез “алданып” эндорфин һәм окситоцин бүлеп чыгара башлаячак. Болар — мәхәббәт һәм бәхет гормоннары. Кашын җыерып йөрүчегә караганда, елмаеп йөрүчегә башкалар да позитив мөнәсәбәттә булачак. Мондый булуыгызны гадәткә кертсәгез, баш миегез бәхет халәтенә өйрәнәчәк.

Ешрак кочаклашыгыз! Галимнәр кочаклашуның стресс гормонын киметүен ачыклаган. Балагызны, дустыгызны, сөйгәнегезне бер сәбәпсез дә кочакларга була бит. Болай иткәндә иммунитет та ныгый икән.

Позитив кешеләр белән аралашыгыз. Каш җыерып йөрүчеләрдән читләшегез.

Бүләк итәргә, бүлешергә өйрәнегез. Сүз матди әйбер, акча турында гына да түгел. Вакытны, җылы мөнәсәбәтне дә башкаларга бирергә була. Онытмагыз, мондый гамәл белән сез иң беренче чиратта үзегезгә файда китерәсез.

Күңел төшенкелегенә бирелгәндә караңгы төсле киемнәр артына качарга ашыкмагыз. Галимнәр сары һәм яшел төснең кәефне күтәрүен ачыклаган.

Табигатькә чыгыгыз, үзегездә ниндидер кызыксыну уятыгыз, иҗат итегез.

Бәхетле булыгыз!

Чыганак: https://kiziltan.ru/articles/kyzyk-news/2022-04-12/nichek-b-hetle-bulyrga-2765808