Үз рекордын узды

Узган елны Илнур Гайнуллин район Сабан туенда колгага 39 секунд эчендә менгән иде. Быел улколгадагы әтәчне 33 секунд эчендә алып төште һәм үз рекордын узып китте.

Илнур мәктәпне тәмамлаганнан соң Тәтеш көллиятендә агроном белгечлеге ала, бер ел Балтач бүлекчәсендә эшләгән. шуның өстенә Илнур матур җырлый да. "Яшьләр һәм булдыклылар" төркеме районда эшләгән вакытта белгечләр аның матур тавышын һәм сәхнәдә үзен тотышын билгеләп үтте һәм республика күләмендәге чарада катнашырга чакырды. - Мин анда катнаша алмыйм, чөнки армиягә чакыру көтәм,- диде Илнур. - Хезмәт итеп кайткач күз күрер.