Сәламәтлек саклауның иң яхшы ысулы

Бүгенге көндә бу – инфекциягә каршы көрәшнең иң кулай ысулы.

Әгәр авылларда вакцинация һәм ревакцинация үтәргә теләүче кешеләр саны җитәрлек дәрәҗәдә җыелса, медицина хезмәткәрләре торак пунктка үзләре килә.

Үзәк район хастаханәсенең табиб- эпидемиологы Әлфинур Бикмөхәммәтова сүзләренә караганда, коронавирус белән авыручылар саны көннән-көн арта. Август аенда 88 кешедә, сентябрьнең алты көнендә  25 кешедә коронавирус ачыкланган.

-Бүгенге көнгә үзәк район хастаханәсенә шприцларга кигезү өчен махсус җайланмалар кайтартылды, алар вакцинаны йоткылыкка сиптерү өчен уңайлы итеп ясалган. Әмма коронавируска каршы андый прививканы соңрак – вакцина кайтартылгач ясый башлаячаклар.  Кискен сулыш юлы авырулары буенча эпидемиологик сезон алдыннан иң мөһиме – профилактика. Шуңа күрә каматамагылыларга, хастаханәгә килеп, гриппка һәм коронавируска каршы прививкалар ясатырга тәкъдим итәм. Ике прививканы бер көндә ясатырга була, бер ай аерма белән да ясатырга мөмкин.