Коронавирус инфекциясе чигенергә уйламый әле

Авыру йоктыручылар түбәндәге территорияләрдә теркәлгән: Тәмтедә – 7, Бәрлегуҗада – 1, Кама Тамагында – 55, Куйбышев Затоны – 33. Кече Мәрәтхуҗада – 1, Келәнче – 2, Иске Барыш – 3, Красновидово -2, Кирельский – 4, Сөйки – 1, Данышево – 1, Шәпкә – 2, Олы Карамал – 1, Олы Кариле – 2, Тенеш – 3, Олы Салтык – 2, Олы Бортас – 1, Кече Карамал – 1, Яңа Салада – 1, Балчыклы – 1 кеше. Барлык авырулар һәм алар белән аралашкан кешеләр табиблар күзәтүе астында.

"Роспотребнадзор авыру һәм алар белән аралашкан гражданнарга өйдә үзизоляция режимын үтәргә киңәш итә. Үз хәле турында көн саен участок табибына хәбәр итәргә, авыру билгеләре барлыкка килгән очракта табибны өйгә чакыртырга.

Инфекциядән иң яхшы саклану чарасы – вакциналаштыру. Моннан тыш, шәхси гигиена кагыйдәләрен үтәү зарурлыгы турында исегезгә төшерәбез: кулларны сабын белән юарга, кулларны дезинфекцияләү чараларын кулланырга; авызга, борынга яки күзләргә кагылмаска; үзегез кагылган өслекләрне һәм җайланмаларны (смартфон экраны, пультлар, ишек тоткаларын) даими сөртеп торырга; җәмәгать урыннарында битлек киеп йөрергә кирәк”, - дип киңәш итә РПН территориаль бүлеге җитәкчесе урынбасары Роберт Сафин.