Үз хокукыңнан файдалан

Өченче сентябрьдән ТР Дәүләт Советына депутатлар сайлау буенча вакытыннан алда тавыш бирү башланды.

14 сентябрьдә сайлау участогына дәлилле сәбәпләр буенча килә алмаган теләсә кайсы сайлаучы әлеге мөмкинлектән файдалана ала. 3-9 сентябрьдә район Советы бинасында урнашкан территория сайлау комиссиясендә, ә 10-13 сентябрьдә участок сайлау комиссияләрендә сайларга мөмкин. Эш көннәрендә 16.00 дән 20.00 сәгатькә кадәр, ял көннәрендә - 8.00-16.00гә кадәр мөмкин. 10 кеше вакытыннан алда сайлау мөмкинлегеннән файдаланды инде. Рәсемдә: Пенсия фонды хезмәткәре Венера Вәлиуллина территория сайлау участогында вакытыннан алда тавыш бирә. Моның сәбәбен ул: "Барасы җиребез бар", дип аңлатты.