Тормыш бер һәм аны наркотикларсыз яшәргә

20 майда республикада "Наркотикларсыз тормыш" дип исемләнгән наркотикларга каршы айлык старт ала.

Район масштабында әлеге чарага карата ведомствоара план эшләп расланган, наркотикларның законсыз әйләнеше турында хәбәр салу өчен әрҗәләр куелган. Айлык дәвамында кайнар линия телефоны эшлиячәк. Эш планы һәм үткәрелгән чаралар турында "Идел таңнары" газетасында мәкаләләр бирелеп барачак. Әлеге эшкә мәгариф идарәсе, полиция бүлеге, мәдәният бүлеге, спорт мәктәбе, прокуратура, авыл һәм шәһәр җирлекләре тартылган. Планны үтәүгә контроль МР башлыгы Зөфәр Гарәфиев җитәкчелегендәге наркотикларга каршы комиссиягә йөкләнгән.