Малайлар әтиләрен көтә

Тәмтедә туып-үскән Любовь Владимировна бәхетен шәһәрдән эзләгән, ә ул ерак түгел – туган авылында булып чыга. Кияүгә чыгып, өч кыз һәм бер ул үстерә.

- Казанда заводта эшләдем, Тәмтегә кайткач, СХТда бераз эшләдем, ә 1991 елдан бирле почтада эшлим. Балаларым янымда яши. Алар өчесе дә җирле ПТУны тәмамладылар, өчесе дә эшли.

Улы 2000 нче еллар башында армиядә хезмәт иткән, өйләнгән, ике улы үсә, алар Тәмте мәктәбенең 5 һәм 9 сыйныф укучылары.

27 сентябрьдә Сергей Захаровны мобилизацияләгәннәр. Армиядәге белгечлеге буенча ул сапер-минер, өлкән сержант, шуңа күрә взвод белән җитәкчелек итә.

- Якшәмбе көнне элемтәгә чыкты, атышка эләгүләре турында хәбәр итте, шөкер, барысы да исән.

Һәр көн без –  үзем һәм апалары, хатыны һәм балалары аннан хәбәр көтәбез. Кайтыр дип өмет итәбез. Ул безгә бик кирәк.