Игътибар, балалар!

Агымдагы елның 7 аенда республика юлларында 16 яшькәчә балалар катнашында 319 ДПТ булган. 11 бала һәлак була, 348се төрле дәрәҗәдәге тән җәрәхәтләре ала.

Әлеге куркыныч саннар артында өлкәннәрнең ваемсызлыгы һәм игътибарсызлыгы, шоферларның җинаятьчел карашы яшеренгән. Ел саен уку елы башында "Игътибар, балалар!" кисәтү операциясе үткәрелә. ЮХИДИ хезмәткәрләре 20 августтан 20 сентябрьгә кадәр юл хәрәкәтендә катнашучыларга: шоферлар һәм җәяүлеләргә контрольне көчәйтте. Өйдә ата-аналар, уку йортларында укытучылар балаларга урамда һәм юлларда үзләрен куркынычсыз тоту кагыйдәләрен тагын бер кат аңлатырга тиеш.