Үзара эшләү максатларында

Муниципаль район башлыгы күрсәтмәсе нигезендә, коррупциягә каршы тору турындагы законны тормышка ашыру максатларында, Кама Тамагы штпның Калинин урамындагы 31 нче йорт, К.Маркс урамындагы 4 нче йорт һәм Гагарин урамындагы 80 нче йортта "Коррупциягә каршы тору мәсьәләсе буенча гражданнар мөрәҗәгате өчен" махсус ящиклар урнаштырылды.
Берүк вакытта муниципаль районда коррупция фактларын тикшерү өчен "ышаныч телефоны" (2-11-51) эше оештырылды. Муниципаль район урындагы затларының законга каршы гамәлләренә шикаять, тәкъдим, хәбәрләрне язмача һәм телдән әйтү мөмкинлеге турында районда яшәүчеләрнең тагын бер кат исләренә төшерәбез. "Ышаныч телефоны", "Гражданнар мөрәҗәгате өчен", махсус ящиклар- коррупцияне бетерү максатларында халык һәм җирле үзидарә органнары арасында үзара мөнәсәбәтләрне үстерүдә киртәне бетерүгә ярдәм итүче район хакимияте органнары һәм халыкның үзара эшләвендә әһәмиятле формаларының берсе.