Бүген – Халыкара гаилә көне

15 майда дөньяда ел саен Гаилә көне билгеләп үтелә.

Бәйрәм 1994 елда оештырыла. Ул вакытта БМО Генераль ассамблеясы елдагы 365 көннең берсе гаиләгә багышланырга тиеш, дип карар итә. Моның өчен язгы иң матур айларның бер көне - 15 май көне билгеләнә. Кадерле дуслар! Сезне Халыкара Гаилә көне белән котлыйм. Җәмгыять ячейкасы һәм социологик тикшерүләр берәмлеге турында нәрсә генә әйтмәсеннәр, гаилә барыннан да элек нәфис һәм шул ук вакытта бөек дөнья кыйммәтләре, җәмгыятьнең иминлек нигезе һәм гомуми тотрыклылыкның төп шарты булып тора. Гаиләгез нык булсын, балаларыгыз һәм оныкларыгыз нәселегезне дәвам итеп кенә калмыйча, ата-аналарыгыздан кабул итеп алган эстафетаны, күркәм традицияләрне дә сакласыннар. Сезгә бәхет, иминлек, үзара аңлашып яшәвегезне телим.