Судка барабыз. Үзеңне ничек тотарга һәм нәрсә эшләргә?

Бүген нинди дә булса сәбәпләр белән судта булмаган кеше юктыр. Искәртеп китик, судка җинаятьчеләр генә килми. Кайчак милек алу, югалган документларны торгызу, мөлкәт бүлү һәм шуның кебек башка мәсьәләләрне бары тик судта гына хәл итәргә мөмкин. Әмма күпләр судның бинасын күргәч тә курка. Әлеге мәкаләнең максаты- гражданнарга судның барыннан да...

Бүген нинди дә булса сәбәпләр белән судта булмаган кеше юктыр. Искәртеп китик, судка җинаятьчеләр генә килми. Кайчак милек алу, югалган документларны торгызу, мөлкәт бүлү һәм шуның кебек башка мәсьәләләрне бары тик судта гына хәл итәргә мөмкин. Әмма күпләр судның бинасын күргәч тә курка.
Әлеге мәкаләнең максаты- гражданнарга судның барыннан да элек суд эшчәнлеген алып баручы дәүләт органы икәнлеген аңлату.
Проблема һәм бәхәсләр килеп чыкканда күп кеше судка мөрәҗәгать итәргә ашыга, әмма аны "тыныч юл" белән дә хәл итеп була бит. Үзара аңлашырга курыкмагыз, компромисс эзләгез. Шул ук вакытта судка кадәр аралашуны дәлил буларак та кулланырга мөмкин. Суд дәгъвасы күп көч, вакыт ала, акча күп китә, шуңа күрә алдан уйлап эш итәргә кирәк. Әгәр сез судка мөрәҗәгать итәргә уйлагансыз яки сезне шунда җибәргәннәр икән-суд бинасына килеп, проблемагызны сөйләгәннән соң сезнең өчен барысы да хәл ителә дигән сүз түгел. Суд хезмәткәрләре тулы консультация бирергә, гариза язарга булышырга, сезгә кирәкле документлар алырга тиеш түгел.
Иң беренчесе һәм иң мөһиме - гариза язарга кирәк. Гаризада кайсы судка җибәрелү, ике якның да фамилия, исеме, атасының исеме (тулысынча), яшәү урыны, яки оешманың исеме, адресы турындагы мәгълүмат күрсәтелә, килеп чыккан проблема һәм аны хәл итү өчен ике якның да гамәлләре сурәтләнә, проблемадан килеп чыккан таләпләр күрсәтелә, дәлил буларак документлар күчермәсе куела.
Гаризаны РФ граждан-процессуаль нормалар һәм законнар белән танышканнан соң үзең язарга, яки танышлардан сорарга, яки интернеттан файдаланырга мөмкин, шулай ук адвокатлар конторасына мөрәҗәгать итәргә дә мөмкин. Гаризаны төгәл һәм грамоталы тутыру-проблеманы уңышлы хәл итүгә ышанычлы юл.
Гариза һәм дәлилләрне тапшырганнан соң судья суд утырышы датасын билгели. Судка ни өчен баруыгызны, анда нәрсә сөйләячәгегезне һәм аңлатачагыгызны төгәл күзалларга кирәк.
Гаризаны һәм документларны тагын бер карап чыгыгыз, үзегез өчен кыскача язма булдырыгыз.
Судья судка килгәч сездән тәкъдим ителгән документларны да сораячак, аларны да суд утырышына әзерләп килергә кирәк. Бу суд утырышын күчергән очракта судка кабат килүдән азат итәчәк.
Суд повесткасында теге яки бу эшне карау вакыты төгәл күрсәтелә. Шуңа күрә, соңга калмагыз. Авырганда яки башка игътибарга алырлык сәбәп булганда бу хакта хөкемдар ярдәмчесе яки суд секретаре аша судьяга хәбәр итегез.
Суд барышында анда катнашучыларга билгеле бер кагыйдәләр һәм бурычлар йөкләнә. Анда теләгән вакытта сөйләшергә, торып басарга, бәхәсләшергә ярамый. Бу күренешләр судны хөрмәт итмәүне аңлата һәм моның өчен закон тарафыннан җаваплылык каралган.
Тикшерелгән фактлар белән төгәл сөйләгез, җавапларны дөрес бирегез, үз позициягезне яклагыз. Судья киңәшү бүлмәсенә киткәнче ике якка да сүз бирелә, ягъни сез судтан нәрсә соравыгызны әйтергә тиеш буласыз. Эшнең асылы буенча сез сөйләгәннәрнең барысы да позициянең кыска резюмесы булып тора һәм элек сөйләгәннәргә каршы булмаска, төгәл һәм ачык формада әйтелергә тиеш. Әлеге киңәшләрне истә тотып, сез суд каршында үзеңдәге курку һәм ышанычсызлыкны җиңә алачаксың, үзеңне һәм суд процессында катнашучыларны кирәкмәгән буталчыктан арындырасың.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 10 ноябрь 2021 - 09:55
    Антоновкада урман утырту
  • 10 ноябрь 2021 - 09:52
    Мордва ансамбленен чыгышы
  • Идел буйлап Рейд
  • Кирельский авылында мәдәният йорты
  • 9 май - Җиңү көне
  • 25 июнь 2022 - 20:13
    Кузгалак 1001 авырудан дәва Кузгалак – витаминлы, файдалы үлән. Ул ашкайнату системасына уңай йогынты ясый, бавыр һәм үт куыгы эшчәнлеген яхшырта. Кан агуны туктата, азканлылыктан, йөрәк һәм кан тамырлары авыруларыннан ярдәм итә. Шулай ук тире авыруларыннан, кычытудан булыша, аллергиядән коткара.
    106
    0
    0
  • 25 июнь 2022 - 09:40
    Бал тәмен жюри да ошатты «Татарстан Республикасы Рус милли-мәдәни берләшмәсе» төбәк иҗтимагый оешмасының Кама Тамагы бүлеге һәм Тәмте мәдәният йортының «Бал тәме» проекты 2022 елда Татарстан Республикасында рус традицион мәдәниятен үстерү буенча республика конкурсы лауреаты булды.
    114
    0
    0
  • 24 июнь 2022 - 12:45
    Кама Тамагы мәктәбе укучысы республика конкурсында җиңде “Чикләрсез балачак” XXIV халыкара фестивале кысаларында узган “Йөрәкләр җылысы – куллар җылысы” бәйгесенең республика этабына йомгак ясалды.
    239
    0
    0
  • 24 июнь 2022 - 12:38
    Мәдәни афиша Җәй – мәдәният хезмәткәрләре өчен кызу чор.
    200
    0
    0
  • 23 июнь 2022 - 19:26
    Икенче Бөтендөнья сугышында катнашкан 113 солдат турында мәгълүмат табылган «Хәрби дан клубы» ассоциациясе рәисе Михаил Черепанов хәбәрсез югалган якташларыбыз турында мәгълүматларны эзләү нәтиҗәләре турында хәбәр итте.
    294
    0
    0
  • 23 июнь 2022 - 17:32
    Иртәгә Кама Тамагында «Коляскалар парады» узачак Аны "Югары Ослан" ЮХИДИ бүлекчәсе, "Юл хәрәкәте иминлеге" ДБУ һәм яшьләр эшләре һәм спорт бүлеге үткәрәчәк.
    290
    0
    0