Миграция таләпләре

Район прокуратурасы миграция законын үтәүне тикшерде.
Тикшерү вакытында «Стройсервис» ООО директоры урынбасары Дмитрий Тюринның «Кече кариле-Балтач» автоюлы төзелешенә чит ил гражданнарын эш кә җәлеп итүгә рөхсәте булмыйча Үзбәкстан Республикасының биш гражданинын төрле эштә эшләүчеләр сыйфатында «Россия Федерациясендә чит ил гражданнарының хокукый положениесе турында»гы Федераль закон таләпләрен бозып эшкә алуы ачыкланды.
Тикшерү нәтиҗәләре буенча «Стройсервис» ООО директоры урынбасары Дмитрий Тюринга карата Россия Федерациясенең административ хокук тәртибен бозу Кодексының 18.15 маддәсе 1 бүлеген (Россия Федерациясендә чит ил гражданнарын хезмәт эшчәнлегенә законсыз җәлеп итү) бозган өчен административ хокук тәртибен бозу турында эш кузгатылды. Хәзерге вакытта әлеге административ эш тикшерү өчен районда ТРда РФ УФМС бүлегенә җибәрелде.