Файдалы сөйләшү

15-25 сентябрьдә Татарстан территориясендә "Россия балалары" акция үткәрелде.

Әлеге чара 2020 елга кадәр РФда наркотикларга каршы дәүләт сәясәте стратегиясе положениеләрен гамәлгә ашыру, шулай ук балигъ булмаганнар арасында наркотиклар таратуны кисәтү максатларында уздырыла. Район етрриториясендәге барлык мәктәпләрдә, шул исәптән кадет мәктәбендә дә, наркотик матдәләрнең законсыз әйләнешенә бәйле җинаятьчел эшчәнлеккә балигъ булмаганнары тартуны кисәтү максатында укучылар һәм ата-аналар арасында мәгълүмати-аңлату эше үткәрелде. 24 сентябрьдә кадет мәктәбендә полиция бүлегенең ПДН инспекторы полиция майоры Гөлнара Кондратенко наркотик матдәләрне саклаган һәм тараткан өчен административ һәм җинаять җаваплыгы чаралары турында сөйләде.