Номерлар үзгәрә

27 гыйнвардан башлап ашыгыч хезмәтләргә бердәм 112 номер яки 101, 102, 103, 104 номерларын җыеп шалтыратырга туры киләчәк.

Россия Федерациясе элемтә министрлыгы боерыгы нигезендә, традицион ике номерлы 01 (янгын хезмәте), 02 (полиция), 03 (ашыгыч ярдәм) һәм 04 (газ хезмәте) ашыгыч хезмәтләр номерларын җыйганда 1 санын өстәргә кирәк, ягъни 101, 102, 103 һәм 104. Алыштыруның максаты- ашыгыч хезмәтләр номерларын җыйганда стационар һәм кәрәзле элемтә челтәрендә кыска номерларны бердәм нормага китерү системасы булдыру. Кәрәзле элемтә челтәрендә ашыгыч хезмәтләрнең ике санлы номерын җыю эшләми. Күчү вакытында яңа номерлар да, элеккесе дә эшләячәк.