Көзге призыв тәмамланды

28 декабрьдә ТР Министрлар кабинетында РФ Кораллы көчләренә көзге чакыру йомгакларына багышланган видеоконференция үткәрелде.

Әлеге чакыру кампаниясенең үзенчәлеге шунда, чакыру нормасы кимеде һәм яңа алынган егетләргә хезмәт хакы картасы бирелде. Киләчәктә контрактчылар санын арттыру һәм аның ихтыяҗын 2017 елга 425 мең кешегә җиткерү күздә тотыла.

Безнең муниципаль район югары һәм урта һөнәри белемле егетләрне хәрби хезмәткә алуның югары күрсәткече, шулай ук шефлыкка алынган хәрби частьләр белән яхшы элемтә өчен билгеләп үтелде.