Кама Тамагы районында “Язгы изгелек атнасы” бик актив дәвам итә

25 апрельдә муниципаль район башкарма комитетының гражданлык хәле актларын теркәү бүлегендә тантаналы шартларда ике яңа гаилә теркәлде: Трофимовлар һәм Сороковниннар.

Александр белән Лия һәм Максим белән Ирина үзләренең язмышларын бергә бәйләде. Бу көнне районда агачлар утырту көнне дип игълан ителгән иде. Шул уңайдан яшь гаиләләр ГХАТ бүлеге җитәкчесе Елена Халикованың акциягә кушылырга дигән тәгъдимен бик теләп кабул итте. "Хәзерге вакытта бу йола матур гадәткә әйләнде һәм дәвамлы булсын иде"- диде Елена Халикова.