Кагыйдә бозма!

ТР ЭЭМ Дәүләт автоинспекциясе шуны искә төшерә: административ штраф түләмәүчеләргә юл хәрәкәте кагыйдәләрен бозу күңелсез тәмамланырга мөмкин.

Административ штраф салу турындагы карар көченә кергән көннән соң штраф алтмыш көннән дә соңга калмыйча түләнергә тиеш. Штраф түләнмәсә, аның күләме түләнмәгән сумма күләменнән ике тапкырга арта, әмма бер мең сумнан да ким булмый, яки 15 тәүлеккә кадәр административ арест салына, яки илле сәгать кә кадәр мәҗбүри эш йөкләнә. Бүген ТР ЭЭМ ЮХИДИ идарәсе суд приставлары хезмәте белән тыгыз элемтәдә эшли. Кагыйдә бозучыларның бердәм мәгълүмат базасы түләмәүчеләрне ачыкларга һәм җавапка тартырга мөмкинлек бирә. Штраф түләмәгән кешенең авточарасына арест салына, аннары сатылырга мөмкин.