«Җиделе» «берле»не алыштырачак

РФ ЭЭМ боерыгы нигезендә автомобильләрдә дәүләт теркәү билгеләрендә регион кодлары «7» саныннан башланачак.
Эш шунда ки, Россиянең кайбер төбәкләрендә хәзер «1» саныннан башланган автомобиль номерлары кытлыгы кичерелә. «Берле» кертелгәнчегә кадәр код ике санлы булган булса (Татарстанда ул «16»), аннары кодны өч санлы итеп үзгәрттеләр, әмма бу чарада җитәрлек түгел. Проблема шунда - берле шрифтны үзгәртмичә номер кысасына сыючы бердәнбер сан иде. Ачыкланганча, җиде саны да номер кысасына сыя, әмма ул да шрифтны үзгәртмичә кулланырга мөмкин булган соңгы сан. Андый вакыт җитүе дә ихтимал.