Язучыны искә алып

25 август көнне якташыбыз, Татарстанның һәм Россиянең атказанган сәнгать эшлеклесе, драматург, ТР дәүләт Советы депутаты Туфан Миңнуллинның туган көненә районыбызга Татарстан һәм Башкортстаннан кунаклар килә.
17.00 сәгатьтә ТР Дәүләт Советы депутаты Рәзил Вәлиев җитәкчелегендә бер төркем язучылар Туфан Миңнуллин музей йортында булачак. 19.00 сәгатьтә РДКда "Салават" башкорт дәүләт драма театры аның әсәрен "Әллә ялгыш, әллә язмыш" спектаклен, ә 20.00 сәгатьтә Олы Мәрәтхуҗа авылы клубы каршында урамда Г.Камал исемендәге татар дәүләт академия театры "Гөргөри кияүләре"н күрсәтәчәк.