Нәрсә эшләргә кирәк?

Узган пәнҗешәмбедә МР башлыгы урынбасары Рөстәм Гыйлметдинов идарә һәм бүлек, районның кайбер хезмәтләре җитәкчеләре белән эш киңәшмәсе үткәрде. Анда коррупция күренешләренә каршы тору эшен яхшыртырга тиешле кайбер мәсьәләләр тикшерелде.
МР башлыгы ярдәмчесе Зөфәр Гарифуллин урыннарда хакимиятнең вәкаләтле һәм башкарма органнары эшчәнлеге аспектына тукталды, МР, шулай ук шәһәр һәм авыл җирлекләре дәрәҗәсендә практик эшне көчәйтергә кирәк булган урыннарны күрсәтте. Сүз документлар әзерләү, район сайты белән эшләү, муниципаль хезмәткәрләр гамәлләре, халыкка мәгълүмат җиткерү һәм башкалар турында барды.