Чәчәк үстерүчеләргә уңайлыклык

Район үзәге урамнарында төзекләндерү буенча зур эш алып барыла. Быел аларны дистәләрчә яңа чәчәк түтәлләре һәм рабатлар бизи.

Чәчәк утыртучыларга уңайлы булсын өчен «Кама Тамагы коммуналь челтәре» ААҖ биш ноктада чәчәкләргә су сибү өчен суүткәргеч челтәре монтажлады. Хәзер Комаров, Гагарин урамнарында, Җиңү Паркында, Карл Маркс урамы башында һәм уртасында су сибү мөмкинлеге бар. Быелгы җәйдә чәчәк түтәлләре өчен җаваплы хезмәт коллективлары вәкилләренә су кытлыгы янамый.