Базарда бәрәңге күпме тора?

Быел бәрәңге уңышы күпләрне борчый. Кемдәдер ул вак, кемдәдер йомшак, өченчеләрендә яхшы кебек, әмма узган ел белән чагыштырганда шактыйга аз.

Быелгы көздә яшелчә культуралары арасында бәрәңге һәм суганның күпләп соралуы гаҗәп тә түгел. Һәр пәнҗешәмбе базарда Чувашиядән яшелчә белән ике машина килә. Товар санаулы минутлар эчендә сатыла, сатып алучылар чират торып ала.

-Бу атнада бәрәңге кыйммәтләнгән - килосы 16 сум, суган да шул ук бәядән сатыла,- ди сатучы.- Узган атнада нәрсә булыр, әлегә билгесез, кем әйтмешли, сорау тәкъдим тудыра. Бәлки, бәрәңге бәясе тагын да артыр.