Әниләрнең бөеклеген яши-яши аңлыйбыз

Һәрчак шат күңелле, ачык йөзле һәм актив Марина Сорокина (сулдагы рәсем) муниципаль район башкарма комитеты оештыру бүлегендә алыштыргысыз хезмәткәр. Ул һәрчак ярдәмгә килергә әзер, үзенә тапшырылган эшне намус белән үти. Ул әле өч бала әнисе дә. Моннан тыш, эштәге хатын-кызның вазыйфалары күп булуга карамастан, бу гаилә спорт белән дә актив...

Һәрчак шат күңелле, ачык йөзле һәм актив Марина Сорокина (сулдагы рәсем) муниципаль район башкарма комитеты оештыру бүлегендә алыштыргысыз хезмәткәр. Ул һәрчак ярдәмгә килергә әзер, үзенә тапшырылган эшне намус белән үти. Ул әле өч бала әнисе дә. Моннан тыш, эштәге хатын-кызның вазыйфалары күп булуга карамастан, бу гаилә спорт белән дә актив шөгыльләнә. Алар барысы да төрле ярышларда катнаша. Гаиләдәге өч яшьлек уллары да җанатар булып, һәрчак әти-әнисе һәм апалары белән янәшә.
Һәрчак тыныч һәм ягымлы, йомшак тавышы белән күпләрне әсир итүче Эльвира Каюмова (уңдагы рәсем) да өч бала әнисе. Эльвира Миндил кызы эшенең күп булуына карамастан, кул эшләре белән шөгыльләнергә дә вакыт таба. Ул- иҗади шәхес, бу сыйфатны үз балаларында да үстерергә омтыла. Олы кызлары музыка белән шөгыльләнә. Кызларының үзенә охшаган юлны сайлавы да күп нәрсә турында сөйли. Димәк, гаиләдә бала фикеренә дә колак салалар, аларга тормышта үз юлларын мөстәкыйль сайлаганда ярдәм итәргә омтылалар. Уллары Булат та укытучыларын иҗади эшләнмәләр белән шатландыра.
Шулай килеп чыккан, Ольга Гришукова үз кызына гына түгел, сеңлесенә дә әни булган. Красновидовода аны кызына күбрәк игътибар бирде дип берәү дә әйтмәс. Алар бергә үскән, югары уку йортында да бергә укыган, Ольгага музейда чаралар үткәрергә бергәләп ярдәм иткән, бергә ял итеп, Россиядәге истәлекле урыннарны да бергәләп өйрәнгән. Ольга Гришукова авылның тарихын язучы да әле. Ул район газетасына Красновидово авылында яшәүче яхшы кешеләр, фронтовиклар, матур гаиләләр турында язучы актив хәбәрче дә. Һәр авылда да аның кебек кешеләр, туган авылын чын күңелдән яратучылар күбрәк булсын иде.
Шушы хатын-кызларны һәм барлык әниләрне бәйрәм белән котлыйбыз. Балаларыгыз бары тик яхшы хәбәрләр белән генә шатландырсын, чөнки аналар өчен иң мөһиме- аның баласы.

Олы Салтыктан Миләүшә Вәлиева, дүрт бала анасы: "Тормыш иптәшем Ирек белән гаилә корып яшәвебезгә быел 21 ел тулды. Гаиләбез түгәрәк, тату. Кызларыбыз Илзирә, Чулпан, Сиринә, Айзирә- иң зур байлыгыбыз, тормышыбызның мәгънәсе, яме. Юкка гына туй көнендә өегез балаларның шат авазыннан тынып тормасын, дип изге теләк теләмиләрдер. Аллага шөкер, балалар бер-берсенә булышып, хезмәт сөеп үстеләр. Инде өчесе Казан ВУЗларында югары белем ала, аларны ялларда сагынып көтеп алабыз. Төпчегебез Айзирә быел 9 сыйныфта укый. Әйтәсе килгәнем шул, яшь гаиләләр күп бала тәрбияләүдән курыкмасыннар, һәр бала үз ризыгы белән туа. Алар- тормыш чәчәге. Яшәешебезнең дә төп мәгънәсе, асылы акыллы, тәрбияле балалар үстерүгә нигезләнгән. Шагыйрь әйткәнчә, Ана-бөек исем, ә балалар- бәхет ачкычы. Барлык хатын-кызларга да Ана булу бәхете насыйп итсен".

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 10 ноябрь 2021 - 09:55
    Антоновкада урман утырту
  • 10 ноябрь 2021 - 09:52
    Мордва ансамбленен чыгышы
  • Идел буйлап Рейд
  • Кирельский авылында мәдәният йорты
  • 9 май - Җиңү көне
  • 25 июнь 2022 - 20:13
    Кузгалак 1001 авырудан дәва Кузгалак – витаминлы, файдалы үлән. Ул ашкайнату системасына уңай йогынты ясый, бавыр һәм үт куыгы эшчәнлеген яхшырта. Кан агуны туктата, азканлылыктан, йөрәк һәм кан тамырлары авыруларыннан ярдәм итә. Шулай ук тире авыруларыннан, кычытудан булыша, аллергиядән коткара.
    44
    0
    0
  • 25 июнь 2022 - 09:40
    Бал тәмен жюри да ошатты «Татарстан Республикасы Рус милли-мәдәни берләшмәсе» төбәк иҗтимагый оешмасының Кама Тамагы бүлеге һәм Тәмте мәдәният йортының «Бал тәме» проекты 2022 елда Татарстан Республикасында рус традицион мәдәниятен үстерү буенча республика конкурсы лауреаты булды.
    81
    0
    0
  • 24 июнь 2022 - 12:45
    Кама Тамагы мәктәбе укучысы республика конкурсында җиңде “Чикләрсез балачак” XXIV халыкара фестивале кысаларында узган “Йөрәкләр җылысы – куллар җылысы” бәйгесенең республика этабына йомгак ясалды.
    193
    0
    0
  • 24 июнь 2022 - 12:38
    Мәдәни афиша Җәй – мәдәният хезмәткәрләре өчен кызу чор.
    161
    0
    0
  • 23 июнь 2022 - 19:26
    Икенче Бөтендөнья сугышында катнашкан 113 солдат турында мәгълүмат табылган «Хәрби дан клубы» ассоциациясе рәисе Михаил Черепанов хәбәрсез югалган якташларыбыз турында мәгълүматларны эзләү нәтиҗәләре турында хәбәр итте.
    249
    0
    0
  • 23 июнь 2022 - 17:32
    Иртәгә Кама Тамагында «Коляскалар парады» узачак Аны "Югары Ослан" ЮХИДИ бүлекчәсе, "Юл хәрәкәте иминлеге" ДБУ һәм яшьләр эшләре һәм спорт бүлеге үткәрәчәк.
    246
    0
    0