Әниләр сертификат алды

Узган җомгада МР башкарма комитеты ЗАГС бүлегендә ана (гаилә) капиталына дәүләт сертификаты тапшырылды.
«Быел районыбызда 81 гаилә теркәлүе шатландыра, 107 бала туды, шулардан 42се - гаиләләрдә беренче, 37се - икенче, 20се - өченче, 8е - дүртенче һәм бишенче бала»,- диде тантананы алып баручы ЗАГС бүлеге җитәкчесе Елена Халикова. Кама Тамагы һәм Апас районнарында Пенсия фонды идарәсе җитәкчесе Илмир Гыйлметдинов ана капиталы турында аңлатма бирде. МР башлыгы урынбасары Рөстәм гыйлметдинов аналарга сертификат тапшырды. Ата-аналарны УСЗ вәкилләре дә котлады, яшьләр эше һәм спорт бүлеге җитәкчесе Фирдүс Хәйруллин бүләкләр тапшырды. Бала туу гаилә өчен генә түгел, җәмгыятебез өчен дә зур бәхет.