Бер көндә тугыз хокук бозу

ЮХИДИ хезмәткәрләре  участокларның берсендә операция үткәрде.

- Берничә сәгать эчендә юл хәрәкәте кагыйдәләрен бозуның 9 очрагы теркәлде, - дип хәбәр итте юл хәрәкәте иминлеге дәүләт инспекторы Илназ Галимов. - Җиде кеше машина белән куркынычсызлык каешын эләктермичә идарә иткән. Бер машинада бала махсус креслога утыртылмаган иде. Юл хәрәкәте кагыйдәләрен җәяүлеләр дә боза. Аларның берсе, юл чатында җәяүлеләр өчен махсус чыгу урыны һәм билге булса да, юл аркылы тиешсез урында чыккан.