Кыш көне аяк киемен ничек киптерергә?

Өстәмә җылыткычлар: батарей, фен, җылытыла торган идән, электр киптергеч кулланмаска. Алар кибү процессын тизләтә, әмма аяк киеме материалын бик әйбәт кенә бозалар да. Ә менә чаңгы ботинкалары, тимераяк, резин итекләр өчен ул ысуллар яхшы.

Урамнан кергәч тә, беренче эш итеп аяк киеме эченә кәгазь тутырыгыз яки агач калып киертеп куегыз. Алар ботинкага форма биреп тора. Шулай ук дымны сеңдерәләр. Аяк киеме кибеп беткәч кенә пычрагыннан чистартыгыз.