Тәҗрибәле механизатор

Илшат Вәлиев АХПның Олы Бортас бүлекчәсендә дүртенче дистә механизатор булып эшли.

Быел 1 майда яңа трактор алган, чәчүнең яртысыны яңа техникада башкарган. Быелгы сезонда ул күпьеллык үлән тырмалаган, бөртеклеләр һәм берьеллык үлән чәчкән. Илшат гаиләсе белән Балчыклы авылында яши. Улы эшмәкәр, йөк ташу белән шөгыльләнә, кызлары сатучы булып эшли. Гаилә башка бик күпләр кебек үк үз хуҗалыклары хисабына яши. Терлек асрыйлар, һәр көн сөт тапшыралар. Гомумән алганда, хуҗалыкта да, өйдә дә эш җитәрлек.