Осталар ярминкәсе

Узган шимбәдә Казан шәһәренең Агросәнәгать паркында Татарстан Республикасы мәгариф учреждениеләренең авыл хуҗалыгы продуктлары һәм халык-сәнгать промыслы эшләнмәләре сату буенча республика ярминкәсе үткәрелде. Ярминкәдә республиканың 43 районы арасында Кама Тамагы районыннан 12 мәктәп, мәктәптән тыш эшләр үзәге, Кама Тамагы балалар музыка мәктәбе катнашты. Безнең район мәйданы авыл йорты хуҗалыгын сурәтләгән иде. Көзге республика ярминкәсе ачылышы тантанасында Татарстан Республикасы Премьер-министры Илдар Халиков, мәгариф һәм фән министры Энгель Фәттахов, авыл хуҗалыгы һәм азык-төлек министры Марат Әхмәтов катнашты.