Орлыгына күрә уңышы

Бакча сезонына әзерлек башланды. Көзен мул уңыш алу өчен иң элек бүген сатуда киң ассортименты тәкъдим ителгән яшелчә, чәчәк культуралары орлыгын дөрес сайларга кирәк. "Россельхознадзор»ның ТР буенча идарәсенең фитосанитар һәм бөртек сыйфаты күзәтчелеге һәм орлык контроле бүлеге дәүләт инспекторы Айрат Хәмиев әйтүенчә, закон буенча селекция казанышларының дәүләт реестрына кертелгән авыл...

Бакча сезонына әзерлек башланды. Көзен мул уңыш алу өчен иң элек бүген сатуда киң ассортименты тәкъдим ителгән яшелчә, чәчәк культуралары орлыгын дөрес сайларга кирәк.

"Россельхознадзор»ның ТР буенча идарәсенең фитосанитар һәм бөртек сыйфаты күзәтчелеге һәм орлык контроле бүлеге дәүләт инспекторы Айрат Хәмиев әйтүенчә, закон буенча селекция казанышларының дәүләт реестрына кертелгән авыл хуҗалыгы культуралары орлыгын гына сатарга ярый. Әле тагын аларның сорт һәм чәчү сыйфатын раслаучы документлары булу да шарт. Шуңа да орлык сатып алганда әлеге чәчүлек партияләренең тишелеше һәм документның гамәлдә булу вакыты күрсәтелгән таныклыкны таләп итәргә кирәк. Орлык салынган капта исә аны сатучы оешманың, фирманың исеме, адресы, телефоны, реестрга туры китереп, культураның, сортның исеме, сорт һәм чәчү сыйфатына стандарт билгесе (ТУ), партия номеры, граммнарда яисә данәләрдә күләме, көнен, аен күрсәтеп, сату вакыты язылырга тиеш. Россельхознадзор идарәсе орлык сатуда авыл хуҗалыгы үсемлекләре, орлыкчылыгы өлкәсендә закон таләпләре үтәлешенә күзәтчелекне көчәйтә. Каплы орлык сатучы сәүдә нокталарына рейдлар үткәреләчәк. Өстә әйтелгән таләпләр үтәлмәгән һәм шикле булганда, 420059, Казан, Оренбург тракты, 20А йорт адресы, 8843570-27-65, 277-68-29 телефоны/факсы яисә shn.tatarstan.ru сайтында Интернет кабул итү бүлмәсе аша "Россельхознадзор" идарәсенә мөрәҗәгать итәргә кирәк.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 10 ноябрь 2021 - 09:55
    Антоновкада урман утырту
  • 10 ноябрь 2021 - 09:52
    Мордва ансамбленен чыгышы
  • Идел буйлап Рейд
  • Кирельский авылында мәдәният йорты
  • 9 май - Җиңү көне