Кош-кортны да, терлек азыгын да кертмәскә

Эшмәкәр Рамил Сабиров хәбәр иткәнчә, терлек азыгын ул Казандагы дилерлардан күпләп сатып ала, башка төбәкләргә бармый. 

- Нигездә без катнаш азыкны Татарстан җитештерүчеләреннән – Буа, Борындык, Питрәч катнаш азык заводларыннан сатып алабыз.

Мари Элдан тавыклар өчен ике төрле катнаш азык сатып алдык, алар өчен дилерга зур күләмдә заказ бирдек. Әгәр бу азыкны кайтартырга ярамый икән, заказ бирмәячәкбез. Вакланган азыкны без гомумән үзебез ясыйбыз: арпа, кукуруз, көнбагыш һәм түпне билгеле бер пропорцияләрдә кушабыз һәм ваклыйбыз.

Шуңа да карамастан, район ветеринария берләшмәсе белгечләре тәкъдим ителгән терлек азыгының сыйфатын “Россельхознадзор” белән берлектә тирәнтен тикшерергә ниятли.