Кама Тамагында язгы кыр эшләренә әзерлек мәсьәләләре буенча киңәшмә узды

Киңәшмәдә техниканы ремонтлау, орлыкларның сыйфаты, минераль ашламалар туплау мәсьәләләре буенча фикер алыштылар. Идарә башлыгы Вәлиев Илфат Илдарович техниканы ремонтлауны, язгы кыр эшләрен башкаруның эш планнарын кабул итүне тизләтергә чакырды, яз иртә килү сәбәпле көзге культураларны тукландыруны башларга кирәклеген ассызыклады. Шулай ук авыл хуҗалыгы товар җитештерүчеләренә үсемлекчелек һәм терлекчелек буенча субсидияләр бирү мәсьәләләре буенча да фикер алыштылар.