Бәрәңге саклау

Бәрәңге уңышын саклауда миләш яфраклары ярдәмгә килә ала. Бу агач яфраклары дымны тиз сеңдерү генә түгел, микробларны үтерү үзенчәлегенә дә ия. Тартма төбенә миләш яфраклары җәегез. Өстенә бәрәңге катламы тезеп, тагын яфраклар салыгыз. Шулай итеп, бәрәңге һәм яфрак катламнарын чиратлаштырып урнаштырыгыз. Яфраклар бәрәңгене бик тиз киптереп, черүдән саклап калачак. Миләш яфрагы юк икән, агач чүбе яки чөгендерне эшкә җигегез. Әлеге тамыразык та дымны үзенә бик яхшы тарта.