“Август-Кама Тамагы” ҖЧҖ ашлык сыйфаты буенча алдынгылыкта

Идарәче компаниянең продукция сыйфаты буенча баш белгеч Виктория Әбелханова Кама Тамагы һәм Кайбыч районнары агрофирмаларындагы бодайның тулысынча диярлек азык-төлек классына туры килүе турында хәбәр итте. Иң югары җилемчә – 25% (азык-төлек классы өчен 18% һәм аннан югары булырга тиеш). Шулай ук “Август-Кама Тамагы”нда ашлык натурасының иң югары билгеләнеше – литрына 787 грамм, Теләчедә – 778, Кайбычта – 777, Лениногорск һәм Мөслимдә 745 грамм.

Белешмә: Ашлык натурасы аның билгеләнгән күләменең массасын аңлата. Россиядә бу – граммнарда билгеләнгән литр. Бодайның әлеге күрсәткече он тарттыру үзлекләрен билгели: ул югарырак булган саен, ашлыкның өлгерү дәрәҗәсе һәм күләме, шулай ук крахмал, шикәр һәм протеин микъдары да күбрәк. Җыелган уңышны эшкәрткәннән соң, әзер продуктның нинди күләмдә чыгуы мөһим. Күрсәткече югарырак булган партиядән он да күбрәк чыгачак.   

20 сентябрьдә Яңа Сала һәм Олы Салтык арасындагы кырда 12 «Тукано» комбайны рапс җыюга кереште.

Беренче булып Радик Гаффаров кузгалды, аның артыннан Ирек Гобәйдуллин комбайны хәрәкәт итте. Беренчесенең район буенча суктыру буенча нәтиҗәсе алтынчы урында, икенчесе 37 комбайнчы арасында унөченче урынны били.

Комбайннар уруын күзәтүе рәхәт, бу сокландыргыч күренеш. Авыл хуҗалыгы предприятиесенең баш агрономы Фәрит Садыйков уңыш җыеп алу барышы турында сөйләде.

– Бөртеклеләрне җыюны без 13 сентябрьдә төгәлләдек. Сабан бодаен тулаем суктыру 38592 тоннаны тәшкил итте, уңдырышлылык – гектарыннан 38,6 центнер. Бу сабан культурасы өчен бик яхшы нәтиҗә.

Хәзер бөтен көч рапсны урып-җыюга юнәлтелә. Мәйданның өчтән бер өлешеннән уңыш җыеп алынды, аны Олы Салтыктагы һәм Мәйдандагы ашлык киптерү комплексларына озатабыз. Чистартылган һәм киптерелгән орлыкларны саклауга әзерлибез. Рапсның уңдырышлылыгы бүгенге көндә 22,6 ц/га тәшкил итә. Элек гектарыннан 10-15 центнер җыйсак, быелгы уңыш сөендерә.

Район комбайнчылары арасында урып-җыю буенча алдынгылар өчлегендә элеккечә Дмитрий Куприянов, Олег Захаров һәм Николай Удачин бара. Барысының да күрсәткечләре өч мең тоннадан арткан, әмма алар үзара шулкадәр якын ки,  урып-җыюны иң зур күрсәткеч белән кем төгәлләячәген алдан әйтү кыен. Күрсәткечләр 80 һәм 67 тонна белән аерылып тора, бу нибары берничә бункер. Атналык бюллетеньдә өченче, дүртенче һәм бишенче урыннар арасында аерма тагын да азрак – барлыгы 59-60 тонна. Шулай итеп, кемнең иң югары нәтиҗәгә ирешүен белү өчен урып-җыю тәмамлануын көтәсе кала.