Агросәнәгать форумында

Казанда өч көн дәвамында Идел буе агросәнәгать форумы булды.

24 октябрьдә анда безнең районнан РУСХиП җитәкчесе Александр Сычев, аның урынбасары Альберт Фатыйхов, ПМО консультанты Госман Камалиев һәм район дәүләт ветеринария берләшмәсе җитәкчесе Владимир Россиев, КФХ башлыгы Әхмәт Биккенин составындагы делегация дә катнашты. Алар махсуслашкан күргәзмәләр белән танышты. Аннары агросәнәгать комплексын үстерү мәсьәләсенә багышланган киңәшмәдә катнашты. Аерым алганда, анда игътибар крестьян-фермер хуҗалыкларын үстерүгә юнәлдерелгән иде.