Татарстанда яңгыр явачак һәм температура +22 градустан югары күтәрелмәячәк
Бүген, 23 августта, Татарстанда температура фонының акрынлап түбәнәюе дәвам итәчәк. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.
Республикада алмашынучан болытлы һава торышы көтелә. Татарстанда иртән һәм көндез урыны белән кыска вакытлы яңгыр явачак. Моннан тыш, иртәнге сәгатьләрдә кайбер урыннарда томан күзәтеләчәк.
Төньяктан һәм төньяк-көнбатыштан секундына 5-10 метр тизлектә җил исәчәк. Көндезге сәгатьләрдә кайбер урыннарда аның тизлеге секундына 13 метрга кадәр җитүе көтелә, дип искәртә синоптиклар.
Төнлә төбәктә һава температурасы +3,4 градустан (2.40 сәгатькә Баулы метеостанциясе мәгълүматлары буенча) +15,3 градуска (шул ук вакытка Казан-Опорная метеостанциясе мәгълүматлары буенча) кадәр тәшкил итте.
Көндез исә республикада һава температурасы +17..+22 градуска кадәр (Казанда +19..+21 градуска кадәр) күтәреләчәк, ди метеорологлар.
Следите за самым важным и интересным в Telegram-каналеТатмедиа
Нет комментариев